O
Ministerio de Educación, Cultura, Deportes, Ciencia e Tecnoloxía (MEXT) do
Goberno de Xapón ofrece bolsas a estudantes estranxeiros que desexen afondar nos
seus estudos sobre Xapón (lingua, cultura, etc.). O obxectivo desta bolsa é
promover o entendemento mutuo e fortalecer as relacións de amizade entre
Xapón e outros países a través de estudos especializados en lingua e cultura
xaponesas.
Requisitos
- Os solicitantes deben ter a
nacionalidade de países que teñan relacións diplomáticas con Xapón.
- Os solicitantes poderán ser os nacidos entre o 2
de abril de 1983 e o 1 de abril de 1995. Formación académica: Os solicitantes deberán ser
estudantes en universidades estranxeiras (non xaponesas) de áreas
relacionadas co idioma ou a cultura xaponesa no momento da súa chegada e da
súa saída de Xapón.
- Os solicitantes
deberán ter os coñecementos suficientes para seguir un curso universitario en
xaponés.
- Os solicitantes deberán tramitar un visado de
estudante (College Student - ryugaku) para a súa entrada a Xapón.
- Os cursos de formación nas universidades serán
unicamente os indicados no folleto Course Guidebook for Japanese Studies
Students (dispoñible na páxina web do MEXT).
Lugar
En
universidades xaponesas.
Prazos de solicitude
Primeiro
trimestre do ano.
Proceso de selección
Duración e contía
Será
o período necesario para completar o curso da universidade receptora que,
aproximadamente, será dun ano. A bolsa é improrrogable.
A
dotación mensual non se especifica. A cantidade poderá cambiar por cuestións
orzamentarias. Como referencia, noutras convocatorias, outorgáronse 117.000
yenes mensuais e no caso de residir nas zonas designadas, o bolseiro podería
percibir 2.000 ou 3.000 yenes adicionais ó mes.
