As
bolsas Endeavour Executive son un programa do Goberno australiano destinado a
profesionais e investigadores estranxeiros. Céntranse no desenvolvemento de habilidades
e coñecementos por medio dun ambiente de traballo en lugar de mediante a
inscrición formal nun programa de estudos. Estas actividades de
desenvolvemento profesional poden incluír coaching empresarial, cursos para o
desenvolvemento de habilidades de liderado, tutorías, formación peer-to-peer,
etc. Sempre nun ambiente de empresa, e non académico.
Requisitos
- Ter máis de 18 anos.
- Ser cidadán ou residente dun dos países participantes.
- Comezar o programa entre xaneiro e novembro.
- Non ter recibido unha axuda do goberno australiano para
o mesmo fin.
- Os solicitantes deben ser seleccionados pola súa
empresa de orixe ou pola empresa de destino. Será o solicitante o que se
encargará de facer a procura da empresa concreta na que levar a cabo o
período da bolsa.
- Valorarase ter un bo expediente académico e experiencia
profesional.
- Realizar unha proposta explicando o aproveitamento que
se acadará durante a bolsa e os beneficios que terá no posterior
desenvolvemento profesional.
- As posibilidades de desenvolver vínculos entre a
empresa australiana e as empresas do país de orixe do solicitante.
Lugar
Empresas
australianas.
Prazos de solicitude
Primeiro
semestre do ano.
Proceso de selección
Máis
información no seguinte enlace.
Duración e contía
As
bolsas terán unha duración de entre un e catro meses.
A
contía alcanza os 18.500 dólares australianos que se dividen en axudas para o
viaxe (3.500 dólares), para o establecemento (2.000 dólares), abonos mensuais
de 3.000 dólares e seguros de saúde e de viaxe.
