O Banco Central Europeo ofrece a posibilidade de realizar
prácticas na súa sede a estudantes que teñan como mínimo a licenciatura, e
ata o nivel de doutoramento. Teñen preferencia os estudantes pertencentes ás
seguintes áreas: económicas, administración de empresas, estatística,
dereito, recursos humanos e tradución.
Requisitos
- Ter máis de 18 anos e ter coñecementos avanzados de
inglés e doutro idioma oficial da UE.
- Ser cidadán dun dos países da UE ou dun dos países
candidatos.
- Ser como mínimo licenciado e ter unha experiencia
profesional dun máximo de 12 meses, ademais dun máximo de 6 meses de
prácticas.
- Non ter sido becario ou traballado anteriormente no BCE.
Lugar
Frankfurt.
Prazos de solicitude
O prazo para solicitar estas prácticas está aberto
todo o ano, pero periodicamente publícase unha listaxe dos postos vacantes.
A
primeira entrevista é telefónica.
Proceso de selección
Duración e contía
A duración nunha primeira instancia é de entre 3 e
6 meses prorrogable ata 12 meses. O importe varía segundo as tarefas a
desenvolver, sendo por regra xeral de 1,050 euros ao mes, e de 1900 euros no caso dos becarios que teñan completados dous anos de doutoramento e que tiveran solicitado unha vacante que así o requerise.
