Acceso á Carreira Diplomática: Á Carreira Diplomática accédese en España por oposición, convocada anualmente polo
Ministerio de Asuntos Exteriores e de Cooperación. Os candidatos teñen que ser españois, maiores de idade e estar en
posesión dun título universitario de licenciado, enxeñeiro, arquitecto ou graduado. Actualmente, o proceso selectivo consta de dúas fases: a primeira, a de oposición, está formada por varios exercicios, escritos e orales, sobre cultura xeral (baseada no temario), idiomas, comentario de texto e entrevista personal, e exame sobre o temario, que inclúe contidos sobre Organizacións Internacionais; Unión Europea; Economía xeral, internacional, española, e da Unión Europea; Cooperación para o Desenvolvemento; Socioloxía; Historia; Relacións Internacionais e Política Exterior.
A segunda fase consiste nun curso selectivo para os funcionarios en prácticas que superaran a primeira fase.
Mestría en Diplomacia e Relacións Internacionais: A
Mestría en Diplomacia e Relacións Internacionais responde
á necesidade de formación de analistas e especialistas en
relacións internacionais, así como das novas xeracións de funcionarios da Carreira Diplomática e do servizo exterior español.
De igual maneira, a mestría é útil como preparación ao ingreso
na Carreira, xa que o programa representa arredor do 65% dos
temas esixidos na oposición.
Cursos sobre relacións internacionais: Impártense os
seguintes cursos: Dereitos Humanos; Unión Europea; Islam;
Capacitación para observadores electorais internacionais;
Xudaísmo; Cooperación ao desenvolvemento...
